Paano mag-apply ng university clearance at transcript sa UP Diliman kung bagong graduate ka

Kung binabasa mo ito, congrats at natapos mo ang apat (o mahigit) na taong pagsisikap, pagpupuyat, pagkabigo, at sa huli pagtatagumpay! Pero bago sumuong sa mundo ng mga samu’t saring pagsusulit, trabaho, at muling pag-aaral, kailangan muna nating makuha ang ating transcript, at para makuha iyon, kailangan nating makakuha ng university clearance. Pupunan ko lang ang mga gap o puwang ng proseso ayon sa CRS.

Ano ang dapat dalhin:

1) Clearance application form mula sa CRS

2) P30 para sa clearance fee/Diploma Authentication o ang official receipt nito kung nabayaran na (Kung nagdududa kayo na pareho sila, ikumpara lang ang account number na nasa gawing kaliwa ng resibo [9774711] sa nakalagay sa clearance form).

3) P300 para sa graduation fee o ang official receipt nito kung nabayaran na

4) P600 para sa tatlong kopya ng Transcript of Records (Pero ganun din ang siningil sa kaibigan kong dalawang kopya lang ang kinuha, kaya hindi ko alam kung paano i-bre-breakdown ang bayaring ito).

5) Optional: Certificate of Graduation, P30 bawat kopya

4) Pasensya

5) Optional: Tubig at snacks, pamasahe sa Toki

Paano mag-apply ng clearance at transcript:

* Kung may accountability, hindi pwedeng mag-apply. Ayusin muna sila.

1) Mag-apply sa clearance module sa CRS (https://crs.upd.edu.ph/clearance_mgmt)

2) I-print ang form, i-fill up yung year graduated at degree sa baba ng Last enrollment in UP (kung hindi pa nakalagay), at pirmahan.

Sample clearance application form

Sample clearance application form

3) Dalhin ang form sa clearance section, 1st floor, OUR at ibigay sa person-in-charge. Ipiprint niya sa likod ng “I promise to check my clearance application at CRS” (non-verbatim). Kailangan pirmahan yun. Kung nabayaran na ang clearance at graduation fee, ipakita sa kanya ang official receipt at isulat ang O.R. Number, amount, at date, sa clearance application form.

4) Pumunta sa 2nd floor ng OUR, Transcript section, at kumuha doon ng application form para sa Transcript at Certificate of Graduation. Pagtiyagaan ang mahabang pila at ipa-assess kung magkano ang babayaran.

5) Pumunta sa Cash Office gamit ang Toki, sasakyan, o paa para bayaran ang mga dapat bayaran.

6) Bumalik sa Clearance section, 1st floor, OUR para ipakita ang resibo ng clearance at graduation fee (kung di pa nabayaran bago ang step 3) at para print-an sa likod (kung di pa na-print-an sa step 3).

7) Umakyat ulit sa Transcript section, 2nd floor, at i-file ang application sa TOR kasama ang resibo. Magtiyaga ulit sa pila habang naghihintay.

8) Bumaba ulit sa clearance section at ipasa ang clearance application form.

I-check lagi ang status ng clearance application sa CRS module (https://crs.upd.edu.ph/clearance_mgmt).

University Clearance module sa CRS

Cleared status. Tawag na lang sa (632) 981-8500 loc. 4561, 4562 o (632) 927-3422 (Transcript section) para malaman kung nai-forward na yung clearance certificate niyo sa Transcript section.

Samanatala, makukuha pagkatapos ng 15 working days ang transcript at ibang request. Kung ibang tao ang mag-cla-claim ng transcript, maghanda ng authorization letter, ID mo, at ID ng representative. Ganun din ang gawin kung ibang taon ang mag-a-apply ng transcript.

Congrats muli at good luck!

UPDATE (10 Hunyo 2016): 

Oo nga pala, hangga’t hindi pa nagaganap ang pagtatapos o graduation, hindi pa pwede mag-apply para sa transcript.

Halos isang buwan din ang lumipas mula nang mag-apply ako hanggang sa makuha ko ang aking transcript.

IMG_0098 - Copy.JPG

Claim stub. Paki-tignan ang mga nakapaloob sa mga rectangle.

Advertisements

Karagdagang tips para sa preenlistment

Disclaimer/Paunawa: Hindi po bahagi ng CRS team ang may-akda. Isa lamang siyang di hamak na Isko.

Tingin mo ba lagi kang malas sa CRS? Naka-ilang post ka na ba ng “I ❤ CRS” sa Facebook para lang makuha ang inaasam mong sched? Sinunod mo ba lahat ng payo ni Bb. Mary Macapagal tungkol sa “preenlistment at pag-ibig”  pero bigo ka pa rin? (Kung di mo pa nababasa, basahin mo rin yun.)

Huwag mawalan ng pag-asa, pagka’t may magagawa ka pa. Narito ang ilang mga tip pagdating sa preenlistment:

1. Wag balewalain ang Available Slots / Demand

Image

Nakikita niyo ba yung mga numero sa ibaba ng bawat subject na desired niyo/gusto niyong makuha? Yan ang “Available Slots / Total Slots / Demand.” Halimbawa, sa Socio 11 THX, 83 estudyante kayong naglalaban-laban para sa 30 puwang/slot. Sa Socio 11 WFX naman, 70 kayong pumupusta para sa 30 slot.

Pwede niyong gamitin ang probability na makukuha niyo ang inaasam na slot. I-divide lang ang “Demand” sa “Available Slot”. Pwede niyong gawin sa Excel o sa kahit anong spreadsheet program yan:

Image

Sa Socio 11 THX, may 0.36 kang pagkakataon na makakuha ng slot. Malaki nang kaunti ang iyong tsansa/chance sa Socio 11 WFX. Gawin yan sa lahat ng iyong mga desired subject:

Image

Pwede mo ngayong gamitin ang mga probability sa pagsasaayos ng iyong mga subject. Pwede mong i-bold lahat ng mga subject na gusto mong makuha sa darating na sem at swak sa minimithi mong sched. Ang ginagawa ko, inuuna ko yung mga subject na kailangan kong makuha, tapos aayusin ko sila base sa probability na makuha ko sila. Tapos iaayos ko yung ibang hindi ko pa kailangan base sa probability na makukuha ko siya at sa oras ng subject na yun.

2. Move on, move on din habang may time.

Image

May mga pagkakataong mas mabuting umasa. Meron ding mga pagkakataong mas mabuting wag nang umasa. Halimbawa, sa STS THX, 655 kayong nagpapatayan sa 100 slot. May 0.15 kang tsansang makakuha ng slot. (Sa bagay, mas malaki pa yan kesa kung 1000+ yung nagsasagupaan.) Hindi lang puro “Regular” na priority ang naglalaban diyan. Meron ring mga “Freshman” o “Graduating” sa 655 na yan. Mas malaki ang pagkakataon nilang maka-bingo ng slot. Paano pa kung hindi mo natapos ang SET?

Siguro oras na para bitiwan ang mga ganitong subject sa pre-enlistment pa lang. Lalo na kung second round na ng preenlistment, kung saan 1 o 2 slot na lang ang pinag-aagawan.

3. Laging bantayan ang estado ng mga subject na gusto mong makuha.

Di mo lang alam, baka nagbukas ng bagong section 30 minuto lang bago magsara ang preenlistment. O kaya na-dissolve ang isang section at nagbukas ng panibago pero hindi nalipat yung mga nag-desire sa na-dissolve na klase, tulad nito:

Image

4. Wag ipagpilitan ang hindi talaga meant to be.

Sayang lang kung i-de-desire mo pa rin yung mga klase na kailanma’y hindi pwede sa iyo. Gaya nito:

CRStips6

Kung non-Psych kayo, wag niyo nang i-desire yung klaseng sa mga Psych major naka-assign lahat ng slot. Ganyan din para sa mga Psych major: wag nang i-desire ang klaseng hindi naman para sa inyo.

Tignan din kung may prereq ang isang subject, pero di mo pa yun nakuha. Kunin mo muna ang prereq.

5. Tignan ang “Grades Viewing” module para makita ang resulta ng batch run.

Hindi mo na mabuksan ang CRS. Yun na ang hudyat na nagaganap na ang batch run. Pero pagbalik ng CRS, sarado pa rin yung preenlistment module. Malamang, nagtatago yung mga resulta sa Grades Viewing module, sa ilalim ng nakaraang semstre.

BAGO! 6. (Pagkatapos ng first batch run) I-“desire” ang mga subject na kailangan/gusto mong makuha kahit na wala (“0”) nang available slot.

Tapos na ang first batch run. Di mo nakuha yung major, prereq, PE, o GE.  Pagkakita mo sa CRS, wala nang available slot para sa subject na yun. Huwag matakot, pwede mo pa ring makuha ang mga yan. I-desire niyo lang sila at bigyan ng pinakamataas na rank. Diskarte mo kung alin sa mga subject na yun ang ilalagay mo sa number 1. Pwedeng depende sa kahalagahang makuha mo yung subject (baka ma-delay ka pag di mo nakuha yun), sa demand, sa oras, sa propesor, atbp. Ganito ko nakuha yung Psych 101 noong isang taon.

PAALALA: Hindi nagkakasalungat ang tip na ito sa tip #2. Kung 700+ ang naglalaban para sa isang klaseng hindi naman sigurado kung may mababakanteng slot pagkatapos ng second batch run, huwag na muna kayong tumaya. Saka na lang, pag may priority status ka na.

Tignan din: Bakit hindi pwedeng magkansela ng klase pagkatapos ang pangalawang batch run.

Yan na lang muna. Antabayanan ang mga karagdagang tip. Gudlak! 🙂